Datt úr stuði.

    Ég á að vera að vinna að verkefni en ég datt úr öllu stuði áðan.   Ég veit ekki hvort ég er gramur, fúll, reiður, argur, illur eða bara óhress með þetta.  Barnsmóðir mín leit við áðan með kútinn minn sem er yndislegt en það sem ergir mig er að hún lítur á mig reglulega með svip sem ég kannast alveg við.   Það er svipurinn sem leiðir okkur á afvikinn stað  þar sem við  í tómri sælu svífum en í sumum tilvikum endar það jafn hratt og það byrjaði og skilur eftir sektarkennd og vanlíðan þrátt fyrir alla vellíðanina.   Ferlega erum við furðuleg.   Það pirrar mig að ég skuli sjá þessi merki,  en ekki geta skilgreint þau eða gengið út frá þeim vísum og gengið hreint til verks.   Ég veit ekki hvort þau eru daður, meðvituð eða ómeðvituð,  eða tómt rugl beint úr hausnum á mér.  Kannski langar mig bara í eitthvað sem ég hélt ég væri kominn yfir.........líklega sakna ég hennar bara, en ég vil samt ekki búa með henni.    Það er bara svo gott að hafa einhvern.  STOPP!  

Athugasemdir

[Ragga (IP-tala skráð) 23.10.2007 kl. 21:29]

Fyrrverandi... já þá er nú alltaf best að stoppa.

[Jónína Dúadóttir, 23.10.2007 kl. 22:19]

Dugar aldrei lengi bara að hafa einhvern...been there done that...

[Fiðrildi, 25.10.2007 kl. 00:49]

common stelpur . . . það þarf ekki að vera að fyrrverandi sé bara einhver !  Kannski er þarna ást og væntumþykja til staðar þó svo að parið geti ekki búið saman.  Mér finnst þetta fallegt.   Að elska er alltaf fallegt . . . alveg sama hvort maður er elskaður tilbaka eða ekki.  

[Júdas, 26.10.2007 kl. 00:15]

Æi þetta er bara alltaf best með þeim sem maður þekkir en stundum fylgir svo mikill sársauki þessu.  Ég er farin að hlakka til næsta sambands því orkan sem fylgir því verður svo rosalega mikil.   Suma daga er ég grjótharður.....allt svo á því að vera alltaf maður einsamall en aðra daga er tilhlökkun og VON.   Von eftir fallegu nýju sambandi.  Held ég haldi í vonina.

[Jónína Dúadóttir, 26.10.2007 kl. 07:03]

Nú líst mér á þig

[Fiðrildi, 20.11.2007 kl. 00:18]

 . . . grjótharður  hvernig missti ég af þessu ?

[Júdas, 20.11.2007 kl. 06:29]

 ehhhh,  ég sko er sko kominn yfir þetta sem betur fer. Ég held ég hafi bara slökkt á einhverjum rofum og hef gert það áður.  Óttast að ég skuli geta það en stundum er betra að slökkva en líða og þjást.  Ég horfi ekki í augun á henni og hún finnur það, er góður og ljúfur en forðast hana um leið.  Hún var farin að koma við of oft en er hætt því núna.