Hann pissaði yfir mig

     Þetta var nú meiri nóttin.   Kúturinn alltaf að vakna, umla og leggjast yfir andlitið á mér.  Hann kórónaði nóttina með því að draga fermingarbróðurinn upp úr bleiunni og pissa svo yfir mig.....Ég vaknaði en hann ekki.  Þurfti að skipta um á rúminu, skipta á kútnum og þrífa okkur og þá svaf hann sem fastast.  Ekki skrítið þó ég hafi vaknað þreyttur í morgun.  Hafragrautur og kaffi komu þó hlutunum í þokkalegt stand.

      Dagur fundarhalda, en góður samt.  Hann var fljótur að líða og eftir að hafa náði í kútinn og verslað fórum við heim og elduðum svínalundir með brúnuðum kartöflum og smjörsteiktum sveppum.  Kúturinn sofnaði snemma og ég sem ætlaði að vera svo duglegur í kvöld er lagstur upp í sófa staðráðinn í að gera ekkert og vera latur.  „Að vera latur hefur sinn tíma“ og þetta er hann.  

 

Athugasemdir

[Jónína Dúadóttir, 11.12.2007 kl. 22:14]

Heyrðu hvað er í matinn annað kvöld, er að hugsa um að mæta

[Jónína Dúadóttir, 12.12.2007 kl. 09:45]

Góðan dag Undirtektirnar við matarbetlinu voru svo dræmar að ég fór inn í geymslu áðan og tók upp fisk úr kistunni til að hafa í kvöldmatinn

[Júdas, 12.12.2007 kl. 17:41]

heheheh,  ég er eitthvað svo latur.  Mér sýnist að ég panti mat í kvöld, en var samt að velta fyrir pasta í allan dag.  Ég ætla að klára seríuuppsetningar og brjóta saman þvott.      Spurning hvort ég bjóði í mat og skilyrði það við smá vinnu í þvotti...................

[Ragga (IP-tala skráð) 12.12.2007 kl. 17:57]

Að vera latur af og til er svo næs. Ég er löt þessa dagna enda nánast komin í jólafrí.

[Jónína Dúadóttir, 12.12.2007 kl. 18:26]

Ég sem hata alveg að brjóta saman þvott..... á veturna þegar ekkert er hægt að hengja út. Ég rek svo gistiheimili á sumrin og þvæ allt sjálf og hengi út og brýt saman og það er fínt