Kútabæn

     Ég var barn þegar mamma kenndi mér að biðja og alla tíð hefur það verið kjölfesta mín og ég eiginlega litið á það sem skyldu mína að kenna það kútunum mínum. Þeir taka svo ákvörðun um það þegar þeir eldast hvort þeir haldi því áfram.  Ég kenndi eldri kútnum þetta þegar hann var barnungur og hann hefur sagt mér það að hann geri það stundum og sérstaklega þegar honum líður illa og finnst enginn hafa lausnir á vanamálunum sem hann glímir við. Síðustu mánuði hef ég verið að  kenna litla kútnum mínum þetta en fyrsta skrefið er að kenna honum að spenna greipar og það eitt og sér vekur rosalega athygli hjá honum.  Hvernig fer pabbi eiginlega að þessu?  Allir þessir fingur út um allt og svo bara hittir hann á rétta staði.  Hann kann það núna og það er beðið á hverju kvöldi einfalt og með orðum sem hann þekkir og í eitt skiptið fór hann að telja upp þau dýranöfn sem hann þekkti.  Ég læt hér fylgja með litla kútabæn sem leidd er af pabbanum og er ég sannfærður um að almættið heyrði þessa bæn.

Skrár tengdar þessari bloggfærslu:

• Kútabæn

Athugasemdir

[Jónína Dúadóttir, 6.1.2008 kl. 07:36]

Þetta er svo yfirmáta yndislegt og vertu viss, svona bænir heyrir almættið

[Júdas, 6.1.2008 kl. 18:49]

,Æ já, þau eru svo einlæg þessar elskur.