Breið blæju húms

      Mér líður óvenju vel og þarf ekki annað en að líta til hægri og virða fyrir mér lítinn yndislegan kút, hold mitt og blóð, liggjandi í sófanum dreymandi fiðrildi og kanínur og þar er skýringin fundin.  Hjarta mitt tekur auka slag og kökkur kemur í hálsinn.  Þakklæti fyllir hjarta mitt að ég, Júdas skuli fá að njóta samvista við þennan kút og ég þakka það hvern dag  góðum Guði. 

 

Unglingskúturinn kom inn í stofu áðan og saman dáðumst við að  þeim litla.  Sá eldir faldi ekki tilfinningar sínar og áður en hann þaut út fékk ég faðmlag og lítið „elska þig pabbi—sjáumst“ . 

Sjálfur er ég að þreytast, búinn að vera í lestri laga og rétta svo réttast væri að láta undan.

Svefns hjarta sært

saknar um næturstund.

Tungl, skin þitt skært

skamman því leyfir blund.

 

Djúps nýtur drótt

draumhöfga allt um kring.

Lát höfði hljótt

hallað á skýjabing.

 

Náttröðull, rúms

runninn um langan stig,

breið blæju húms

blástirnda yfir þig.

Þorst.Vald

 

**Góða nótt vinir!**

 

 

Athugasemdir

[múmínstelpan (IP-tala skráð) 25.2.2008 kl. 23:38]

já góða nótt. klikkar heldur ekki með kvöldsopanum ....

[Jónína Dúadóttir, 26.2.2008 kl. 05:47]

Mikið er notalegt að lesa... bæði þín orð og svo ljóðið

Vona að nóttin hafi veitt þér hvíld og notalega drauma og dagurinn í dag verði sá besti hingað til 

[Nilla (IP-tala skráð) 26.2.2008 kl. 09:25]

Þú ert fallegur :)

[Júdas, 27.2.2008 kl. 08:08]

Góðan daginn og takk fyrir falleg comment yndislegu vinir.  Þau gleðja mig þótt ég skilji ekki til fulls af hverju þeim er beint til mín en ég er jú aðeins að blogga um venjulega feðga og með fljóta falleg ljóð.    Takk samt

[Jónína Dúadóttir, 27.2.2008 kl. 08:19]

Góðan daginn elskulegur, þú skilur þetta þegar þú verður stór