Tær og blár einfaldleiki

 

 

Þegar blár hreinleiki

fjarlægðarinnar

hafði þvegið nálægðina

úr andliti þínu

þráði ég að hjúfra mig

að fjarlægð þinni

geta ekki snert þig

geta ekki átt þig

aðeins varðveitt þig

í tærum og bláum einfaldleika.

 

Birgir Sig.

 

     Hjá sumum er þetta eini möguleikinn í stöðunni.   Eini möguleikinn í stöðu sem þeir komu sér sjálfir í.  Jafnvel besti möguleikinn af aðeins einum möguleika.  Er þá nokkuð annað að gera en að sætta sig við það?  Fjarlægðin verður jafnvel enn fjarlægri þegar tíminn líður og þegar litið er tilbaka er þar jafnvel ekkert að sjá nema óskýr reikul spor og löngu byrjað að fenna yfir þau.  Það hefur líka ekkert upp á sig að líta til baka, nóg að hugsa þangað og draga af því lærdóm.

Góða nótt

 

Athugasemdir

[Edda (IP-tala skráð) 7.3.2008 kl. 03:29]

Er ekki málið bara að það er sannleikskorn í því að .. "fjarlægðin gerir fjöllin blá, dalina djúpa og mennina mikla"??

Svo er líka e-t sannleikskorn í "að grasið er alltaf grænna......."  er það ekki?

Bara smá hugleiðingar með þínum. Hjartans bestu kveðjur, E.

[Jónína Dúadóttir, 7.3.2008 kl. 06:05]

Já, falleg hugleiðing.... svolítið sorgleg samt.... Það sem hefur gerst áður gerist aldrei aftur, það gerist eitthvað annað í staðinn... og örugglega miklu betra. Ég óska þess allavega handa þér inn í daginn

[múmínstelpan (IP-tala skráð) 7.3.2008 kl. 19:33]

...hæ

[Jónína Dúadóttir, 8.3.2008 kl. 10:18]

Góðan dag drengur minn

[Júdas, 8.3.2008 kl. 10:42]

Góðan daginn!  Ljóðið fannst mér svo mikill sannleikur en fallegir morgnar taka alltaf við af myrkum kvöldum og svefninn ævinlega kærkominn 

[Salka (IP-tala skráð) 8.3.2008 kl. 16:39]

Ég er alveg heilluð af þessu ljóði og verð að eigna þér heiðurinn af endurvakningu ljóðaunnandans í mér.  Takk fyrir mig

[Júdas, 8.3.2008 kl. 18:57]

Ég er ánægður með það Salka.......njóttu!