Júdas er alltaf eins

     Auðvitað vaknaði ég gamlinginn kl 5 í morgun.  Það er alltaf þannig að ef eitthvað mæðir á mér fer allt af stað.  Stundum þarf ekki nema eina setningu í vinnunni og hún eltir mig í tvo daga með endalausum vangaveltum um það hvort ég sé á réttri leið eða ekki.  Ég er formfastur og fylgi sannfæringu minni hvort sem er í vinnu, uppeldi eða kaffiuppáhellingum.  Ekki það að ég geti ekki breytt út af vana því þetta snýst ekki um vana.  Ég á bara erfitt með að fara leiðir sem ég hef ekki trú á.  Þegar ég hugsa um þetta sem ég var að skrifa rétt í þessu finnst mér jafnvel að þetta snúist ekki um leiðir heldur það hvort ég sé skóaður eftir minni sannfæringu eða annarra á leið sem mér er ætlað að fara.  Líklega á það betur við.  Ég tel mig geta hellt upp á kaffi en vil nota mína aðferð.  Væri jafnvel til í aðra aðferð en vil þá fara af stað í það með minni kaffitegund.  Gæti ef á mig væri gengið haft tegundina aðra en ætla mér að nota minn eigin bolla sem ég bloggaði um í september 2007 og segi óhikað skoðun mína á tilrauninni ef á mig verður gengið.  Ég tel mig geta tekið allskyns verkefni að mér sem jafnvel eru einhverjar skorður settar en vil þó fylgja í því ákveðnum eigin prinsippum sem ég trúi á og tel mig hafa náð árangri í að nota við stjórnun.  Af hverju ég er að skrifa þetta núna?  Líklega vegna þess að ég vaknaði kl 5 í morgun með orð vinnufélaga og aðfinnslur á bakinu og var í þungum þönkum út af því. 

 

     Jæja nú er komið ár frá því ég byrjaði að blogga og andinn ekki verið yfir mér upp á síðkastið.  Komnar eru 229 færslur sem eru 19 færslur á mánuði að meðaltali.  Þeim dyggu bloggvinum sem hafa nennt að lesa þessar eilífu vangaveltur um sömu hlutina aftur og aftur og ekki orðið vitni að neinum árangri í leit minni að einhverju, sendi ég afsökunarbeiðni en svona er ég bara og allar líkur á að nýtt blogg ár verði með svipuðum hætti og svipuðum vangaveltum um svipaða hluti með svipuðum árangri.  Aumkunarverðir broskarlar eru vel þegnir en skyldurækni s komment  samt óþörf.  Ekki svo að skilja að mér leiðst kommentin þótt ég sé seinn til svars.  Alls ekki.  En öll vorkunn er óþörf því ég hef það mjög gott.  Mér þykir vænt um bloggvinina og klárt mál að kærir bloggvinir eru fleiri en þeir sem klappa mér á bakið utan bloggheima.  Vonandi hef ég ekki sært neinn en ferlega fer ég í skapið á mér.

 

Nú er skólinn kominn á fullt og eins og í fyrra er ég svolítið klaufalegur í að samræma skólann og kútauppeldið en ég held samt að það sé að koma.  Um kútana ætla ég að blogga í kvöld þegar ég verð upplagðari og kátari.

 

Haustið er samt fallegt, rigningin og rokið þjappa okkur saman og því hlakka ég til næstu mánaða.

 

Njótið dagsins kæru vinir.

Athugasemdir

[Jónína Dúadóttir, 2.9.2008 kl. 10:16]

Haustið er yndislegt og skyldurækni er eitthvað sem ég nota bara á aldraða móður mínaÉg sakna þess að geta ekki lesið vangavelturnar þínar oftar og finnst æðislegt að fá að fylgjast með ykkur þremur kútunumEigðu góðan dag og fyrir alla muni fylgdu þinni eigin sannfæringu drengur, það virkar best af því að þetta er þitt líf og vinna, ekki einhvers vinnufélagansFaðmlag frá mér inn í daginn

[Sporðdrekinn, 2.9.2008 kl. 15:08]

Ég skil þig mjög vel, ég vill gera mína hluti á minn hátt. Ég get reyndar verið ógó stjórnsöm og reyni að troða mínum aðferðum upp á aðra, gengur misvel

Mér finnst alltaf gott að kíkja hér inn, stundum brosi ég, stundum færðu mig til að hugsa og oftast ef ekki alltaf fæ ég il í hjartað.

Eigðu góðan dag.

[Salka (IP-tala skráð) 2.9.2008 kl. 18:27]

Hjúkk...hélt að Júdas væri búinn að gefast upp á blogginu, en gleðst yfir áframhaldandi færslum og ekki efast um eigið ágæti, ert klárlega einn af þeim allra ljúfustu

[Sporðdrekinn, 2.9.2008 kl. 21:42]

 væri ég þá með fót á hjartanu?, held að það gæti orðið sárt. Þetta á að vera "yl" eins og að "Ylja"

[múmínstelpan (IP-tala skráð) 2.9.2008 kl. 23:56]

...farin að sakna...

[JEG, 3.9.2008 kl. 00:23]

Innlitskvitt og kveðja úr sveitinni.

Og mér finnst bara kurteisi að kvitta fyrir inniltið.  En hingað inn kíki ég oft enda ljúfar færslur frá greinilega ljúfum manni.

Eigðu ljúfa viku.

[Linda Lea Bogadóttir, 3.9.2008 kl. 16:57]

Þú ert kostulegur Júdas...
Ég ætti að taka saman tölfræðina á mínu bloggi og sjá hversu margar færslur hafa verið skrifaðar þar um nákvæmlega það sama... ég mun önuglega eiga vinninginn við þig. 
Hlakka til að fá kaffiuppáhelling

[Linda Lea Bogadóttir, 3.9.2008 kl. 16:57]

Hehe önuglega... átti að vera örugglega (hlátur)

[Rebbý, 4.9.2008 kl. 00:08]

því að breyta því sem gott er?   mér finnst þú fínn eins og þú ert og hef ótrúlega gaman að því að hlusta á þessar hugrenningar þínar, þær kveikja oft upp hugrenningar hjá mér þó þær lendi sjaldnast á netinu þó
til lukku með árið

[Linda Lea Bogadóttir, 9.9.2008 kl. 20:50]

... koma svo Júdas

[Jónína Dúadóttir, 10.9.2008 kl. 07:33]

Ég er farin að sakna þess að lesa ekkert frá þér, svo ég tók það ráð að klukka þigÞú veist að maður skorast ekkert undan

[Litla konan (IP-tala skráð) 12.9.2008 kl. 11:08]

Oooo, ég hreinlega elska bloggin þín, takk fyrir þau