Pabbi hlýddu mér bara

     Ég var að máta nýja peysu rétt áðan og kalla á unglingskútinn til að gefa mér einkunn.  Hann kemur labbandi fram og er ekki fyrr kominn í holið og búinn að berja pabba sinn augum en hann hristir höfuðið og segir:  „nei nei pabbi, ekki þetta“  svo renndi hann niður peysunni nánast svo sá í leggina  á mér eða hér um bil.   Bíddu, ég er ekki að fara í hana til að fara svo nánast úr henni aftur góði.  „Pabbi hlýddu mér bara, þetta á að vera svona“.  Ég er ekki heldur að fara á grímuball ef þú heldur það..........“það mætti halda að þú værir að fara á date eða eitthvað“ sagði hann og hleypti í brýrnar.  Finnst þér það líklegt vinur minn sagði gamli með hneykslunarsvip.   Tja, þú ert búinn að vera að æfa á fullu síðustu daga svo................ertu að fara á date?  Vinur,  finnst þér það líklegt,  hugsaðu þig um í 15 sekúndur.................... Nei pabbi, líklega ekki en þú ættir að gera það, svo var hann horfinn inn í herbergi og hækkaði í tónlistinni.   Meira að segja hann hefur ekki trú á mér í þessu blessaður drengurinn.

Athugasemdir

[Fiðrildi, 20.11.2007 kl. 20:03]

Létt fæði, æfingar, ljós . . . og nú ný peysa mátuð fyrir framan spegil . . . og álits óskað.  Ég segi nú bara eins og unglingurinn . . . það mætti halda að þú værir að fara á date eða eitthvað ?

[Jónína Dúadóttir, 20.11.2007 kl. 20:05]

Mér þætti vænt um að geta fengið að hugsa að hann væri að fara á date fyrir spegilinn... svona til að byrja með

[Júdas, 20.11.2007 kl. 21:11]

Tja.....hva....það tók nú unglinginn ekki nema 15 sec að komast að því að það gat nú ekki verið og þó veit hann um flestar ferðir föður síns...... en aðeins  flestar.