Rósilmur regns

Ég datt niður á þetta ljóð áðan og fannst það eiga við.  Þótt dagarnir undanfarið hafi verið ljúfir og fallegir með vorsól í aðalhlutverki  var ég farinn að sakna rigningarinnar.   Ég gladdist því í morgun þegar ég sá dropana á eldhúsglugganum og hugsaði með mér að þetta væri auðvitað veðrið sem ég þyrfti í dag til að ná fullkominni værð og ró.  Og það varð.

 

 

Ósk mín er regn-

dropar sem detta á gras

dropar sem falla í mold

fræs, sem er falið þar

--geymt gróðurmold.

 

Ósk mín er vatns-

ilmur um dimma nótt,

seytl oní bikar blóms

áfengur ilmur vatns

--rósilmur regns.

 

Ósk mín er ljóss-

birta í morgunmund,

miðdegis bræddir snjó-

bólstrar úr mjúkri mjöll

--skýjafalls regn.

 

Ósk mín er lífs-

frjósemd framhald mergð

fjölgun úr smæð í stærð

ólagandi iðustraums

--óþrotlegt líf.

 

Sigríður Einars.

 

Góða nótt vinir.

Athugasemdir

[Sporðdrekinn, 4.4.2008 kl. 02:09]

Góða nótt

[Jónína Dúadóttir, 4.4.2008 kl. 06:06]

Góðan dag Ég vil gjarnan fá rigningu í skiptum fyrir snjókomuna sem virðist vera með fasta áskrift hérna fyrir norðan....

Njóttu dagsins minn kæri

[múmínstelpan (IP-tala skráð) 4.4.2008 kl. 07:53]

..frábært að sjá blogg..þurfti einmitt skammtinn minn fyrir daginn..sé að ljúflingurinn er mættur...eigðu góðan dag.

[Linda Lea Bogadóttir, 4.4.2008 kl. 16:24]

Oh leyfðu sólinni að skína - alla vega 5 heila daga í röð...   ég þrái sól og hita.
Mér finnst samt rigningin góð - bara í hófi.
Góða helgi Júdas.

[Ragga (IP-tala skráð) 4.4.2008 kl. 16:37]

Fallegt ljóð. Góða helgi.

[Júdas, 4.4.2008 kl. 18:46]

Allt í lagi, ég get alveg gefið leyfi mitt fyrir sól og blíðu í nokkra daga og mér sýnist á reyndar á veðurspánni að svo verði.  Ekki málið 

[Rebbý, 4.4.2008 kl. 19:08]

Merkilegt hvað það er til mikið af fallegum ljóðum sem ég hef aldrei séð (kannski því ég leita ekki upp ljóð hehe)
Mátt alveg fá smá rigningu það er svo gott að skreppa út í göngutúr að henni lokinni.

[Anna, 4.4.2008 kl. 23:55]

Fallegt þetta - í ljóðabók ?

[Linda Lea Bogadóttir, 5.4.2008 kl. 03:22]

Þakka þér Júdas

[Fiðrildi, 7.4.2008 kl. 12:51]

Án efa ljóð Júdasar ;)  Fallegt