Dagurinn kom alskapaður til dyranna

 

Dagurinn var tekinn snemma eins og venjulega. 

Við eldri feðgar klæddum okkur upp í gærkveldi og elduðum okkur páskalæri og nutum samvista fram eftir kvöldi.  Ég velti því fyrir mér hvort vert væri að fara út á lífið eftir miðnætti en það var auðveld ákvörðun að flauta það af í huganum og njóta þagnarinnar.

Ég var heppinn í gær og allt stefnir í heppni í dag líka.   Unga konan bað mig um að taka litla kútinn í nokkra tíma í gær og var að hringja áðan og biðja mig að vera með honum í dag líka.  Ég spyr einskis, nýt þess bara að vera með alla kútana sameinaða í dag og líklega í nótt líka.  Er hægt að biðja um eitthvað meira?

 

Dagurinn er óskrifaður að öðru leyti en klárt að við förum á eitthvert flakk.  Líkamsræktin gæti orðið áfangastaður og ekki verra að kúturinn hefur svo gaman af því að leika sér þar.  Það er kominn tími á að hrista af sér slenið varðandi ræktina og taka á því. 

Núna sefur hann hjá mér í sófanum og safnar orku fyrir daginn.

Dagurinn  kom

alskapaður til dyranna

eins og hann var klæddur,

gægðist upp yfir fjallsbrúnina,

skyggndist um

og leit yfir landið.

 

Svo hljóp hann

ungur og nýr

niður hlíðarnar,

yfir holt og mýrar,

alla leið út að sjó............

 

Ingólfur Kristj.

Athugasemdir

[Jónína Dúadóttir, 24.3.2008 kl. 16:11]

Ég skal ekkert predika núna Bara óska þess að þið feðgakrúttin eigið góðan dag

[Ein-stök, 24.3.2008 kl. 16:44]

Hljómar vel  Njótið dagsins kútafeðgar allir.

Takk fyrir heimsóknina til mín og góða athugasemd. Má ég ekki setja þig innhjá mér sem bloggvin? Er ennþá að reyna að læra inn á þetta bloggdót allt saman

[múmínstelpan (IP-tala skráð) 24.3.2008 kl. 21:32]

..leitaði að sporum kútafeðga í þögninni ...-. en fór síðan á fund við forynjur og froska og aðrar undarlegar verur  með lítilli draumadís . vona að kútapabbinn hafi átt eins skemmtileg ævintýri með sínum kútum..

[Brattur, 24.3.2008 kl. 21:58]

... þetta er flott ljóð... hver er höfundurinn, Ingólfur Kristjánsson, veistu það?

[Júdas, 24.3.2008 kl. 22:08]

Takk Jónína mín  

Ég er búinn að senda beiðni á þig Ein og þú þarft bara að samþykkja hana.  Auðvitað vil ég vera bloggvinur þinn. 

Jamm Brattur það er hann og það er örlítið lengra en þetta.

Fannstu ekki sporin Múmínstelpa?  Þau lágu um alla borg í dag, kolaportið, kaffihús og húsdýragarðinn.....jú og Hafkaup líka .

Þú ættir að fara að blogga því það færi þér vel.

[Ein-stök, 24.3.2008 kl. 22:21]

Takk Júdas  

[Linda Lea Bogadóttir, 25.3.2008 kl. 00:36]

Vildi vera fluga á vegg í þínu lífi - stundum.
Eigðu góða nótt og fallega drauma

[múmínstelpan (IP-tala skráð) 25.3.2008 kl. 02:55]

..ég þorði ekki að trúa að sporin í húsdýragarðinum væru þín...

[Júdas, 25.3.2008 kl. 13:27]