Einfaldleikinn er dyggð

Góður dagur að kveldi kominn og nóttin á næsta leiti. 

Okkar bíða lendur drauma þar sem allt getur gerst og veruleikinn er teygður og togaður í fallegri form.  Ef til vill ráðum við óafvitandi ferðinni um þessar lendur og speglum því væntingar okkar úr gráum hversdagsleikanum þar sem við erum að mestu ráðandi í hamingjuleitinni með misjöfnum árangri.

Gerum þó ekki lítið úr þeirri leit okkar, höldum áfram ótrauð en gefum okkur tíma til að staldra við fótskör meistarans og lauga okkur í einfaldleika.   Munum að einfaldleikinn er dyggð.

  

Frá efstu lindum

ljóssins og hingað

er langur vegur

og langt er héðan til ósa.

 

Í breiðum streng

streymir það nú fram hjá

borginni, og ég krýp

á bakka þess og dýfi

þakklátur höndum

í hlýjan straum

lauga vanga mína

og augu,

 

lauga sál mína lífi.

 

Hannes Pét.

 

 

Góða nótt kæru vinir.

Athugasemdir

[Ein-stök, 27.3.2008 kl. 00:42]

Einfaldleikinn er góður. Var svo heppin að eyða mörgum stundum hjá afa og ömmu, þegar ég var barn, þar sem rólegheitin, hógværðin og nægjusemin ríktu. Þar lærði ég að meta einfaldleikann.

Góða nótt minn kæri

[Sporðdrekinn, 27.3.2008 kl. 02:43]

Eins einfaldur og einfaldleikin getur verið, þá getur hann líka verið svo mikið.

[Sporðdrekinn, 27.3.2008 kl. 02:43]

"Mikill" átti það að vera

[Jónína Dúadóttir, 27.3.2008 kl. 05:51]

Falleg pæling, góðan dag

[Linda Lea Bogadóttir, 27.3.2008 kl. 13:27]

Hamingjan í hnotskurn...  Ekki hætta að leita að henni

[múmínstelpan (IP-tala skráð) 27.3.2008 kl. 15:26]

 leit við og naut...og einhvern veginn ýtti lesturinn mér inn á skemmtilegar draumalendur...

[Júdas, 27.3.2008 kl. 18:31]

*Geisp*   þetta var nú meiri dagurinn..........